--Ads--
Saanen a maituloy ti Gilas Pilipinas ti karera dagitoy iti 2024 Paris Olympics kalpasan a naabakda kontra iti Brazil iti skor a 71-60 iti kaleppas a laban dagitoy iti semifinals ti FIBA Olympic Qualifying Tournament idiay Riga, Latvia.
Maipalagip a nagun-od ti Gilas Pilipinas ti kaunaan a pangabakda iti 2024 FIBA Olympic Qualifying Tournament kalpasan nga inabakda ti world no. 6 a Latvia iti skor nga 89-80.
Kabayatanna, nabaelanda a nakastrek iti semifinals ti FIBA Olympic Qualifying Tournament iti laksid a naabak dagitoy iti bunggoy ti Georgia iti skor a 96-94 gapu iti kondisyon a nasken a mangabakda kontra iti Georgia wenno maabakda iti sangapulo ket walo a puntos pababa.
