Inaklon ni beterana aktress Gina Alajar a nagar-aramat daytoy iti illegal a droga iti uneg ti tallo a tawen.
Sigun kenni Gina nangrugi daytoy a nagaramat iti marijuana, agingga a nagaramat iti shabu (methamphetamine) tapno agtalinaed daytoy a nakariing iti trabaho-na.
Kinunana nga adda daytoy iti mid-twenties ken addaan pay daytoyen iti pamilya.
Impettengna a saanna a nalapdan dagiti tao a naasideg kenkuana idi rason a napilitan met daytoyen nga agaramat iti illegal a droga ken kasta metten a gapu iti panagpuypuyat-da iti trabahona iti showbiz industry rason no apay a mas naadik daytoy.
Inaklonna metlaeng a nakapasar daytoy iti hallucinations kalpasan nga awanan daytoy iti turog iti 72 nga oras no sadino ditoy metten a nagdesisyon nga isardengna ti panagaramat iti illegal a droga.
Adda payen ti napasamak iti biag dagitoy iti asawana isu’t gapuna a nagsina dagitoy.
Nasayaat metten ti panagbiagna iti agdama ken saan malaksid iti trabahona kas artista ken direktor maysa metlaeng daytoyen a live seller iti social media.
