Suportado ti agdama a Provincial Director ti Ultimate OPLAN Grasscutter 2026 nga immunan nga inyuswat ti sigud a Police Director ti Benguet Provincial Office nangruna ta daytoy ti maysa kadagiti parikut iti nasao a probinsya.
Sigun kenni PCol. Dionisio Bonoy, Provincial Director ti Benguet Police Provincial Office, mamodify wenno marevise laeng daytoy no sadino pokusda ita ti pannakatiliw dagiti financers, transporters, patrons ken cultivators ti Marijuana Awaganda ti nasao nga operasyon kas ” Gobo Di Bolaleng”.
Impeksa ti nasao nga opisyal nga epektibo ti umuna a programa nga Ultimate OPLAN Grasscutter no sadino pokus daytoy iti eradication.
Iti agdama, adadda a targetda ti pannakakemmeg dagiti transporters, cultivators, patrons, ken financers bayat a maitultuloy ti eradication.
Kinunana pay a nakasaganan ti planoda seknan iti programa wenno initiatiba nga Implan “Gobo di Bolaleng”.
Mainaig iti dayta, rumrumwar iti imbestigasyon dagiti otoridad nga iti panagpokusda iti marijuana eradication, nagwaras dagiti marijuana cultivators no sadinno nagturungda kadgaiti daduma a lugar, outside iti munisipyo ti Kibungan, Kapangan, ken Bakun (KKB). Daytoy ket pruweba iti relentless operation dagiti kapulisan kontra iti marijuana.
Rumrumwar pay ti imbestigasyon a dagiti matiltiliw a marijuana cultivators kadagiti sabali a lugar ket nagtaod metlaeng iti KKB areas kas kadagiti cultivators a natiltiliw sadiay Nueva Vizcaya. Gapu iti daytoy, nasken met nga ag-adjust dagiti kapulisan tapno makemmeg dagitoy.
Sigun kenni PCol. Bonoy, ti “Gobo di Bolalaeng” ket saan laeng nga operasyon daytoy ti Benguet Police Provincial Office nu di ket kasapulan metlaeng dagitoy ti tulong ti sumagmamano a unit kas iti drug sniffing dogs ken dadduma pay. // Bombo Noveh Organo
