Nagbalinen a kaunaan a millennial saint iti Simbaan Katoliko ni Carlo Acutis, maysa nga agtutubo manipod Italy a pimmusay idi 2006 iti tawenna a 15 gapu iti Leukaemia.
Naangay ti canonization daytoy iti St. Peter’s Square idiay Vatican City nga indauloan ni Pope Leo XIV.
Ni Acutis a naawagan a God’s influencer ket addaan iti nauneg a pammati iti Namarsua nu sadino, babaen iti kinaissemna iti panagaramat iti teknolohiya ket nakabukel daytoy iti website a naglaon kadagiti nasurok 100 a naidokumento a milagro mainaig iti Eukaristiya.
Kagiddan ni Acutis iti canonization ti agnagan iti Giorgio Frassatti a pimmusay met idi 1925 iti tawenna a 24.
Ti nain-santoan a seremonya ti kaunaan nga indauloan ni Pope Leo XIV- ti kaunaan a Papa manipod America.
Kabayatanna, adu a tattao ti dimmar-ay iti daytoy nu sadino, daduma ket addaan kadagiti ladawan ni Acutis.
