Natiliw ti maysa a government employee sadiay probinsya ti Apayao gapu iti pananglabsingna iti Republic Act 9165 wenno “Comprehensive Dangerous Drugs Act of 2002”.
Ti nasao a government employee ket agtawen iti limapulo ket maysa wenno 51 ken agtrabtrabaho kas Administrative Aide sadiay Kabugao, Apayao.
Babaen iti maysa a drug raid nga indauluan ti Philippine National Police- Provincial Drug Enforcement Unit (PDEU)- Apayao Police Provincial Office, Kabugao Municipal Police Station, ken ti Philippine Drug Enforcement Agency- Cordillera, nagresulta daytoy iti pannakakumpiskar ti illegal a droga nga adda iti ikot ti suspek.
Maibasar iti report ti pulisya, ti suspek ket adda iti uneg ti pagtaenganna sadiay Barangay Lenneng idi inserbi dagiti otoridad ti Search Warrant.
Bayat ti panagsukisok dagitoy, natakuatanda ti mapattapatta a 0.5 a gramo nga ilegal substance nga aggatad iti ₱3,400, agraman dagiti drug paraphernalia.
