Dinarayan dagiti rinibribo nga yBenguet ken yCordillera ti Grand Parade ken Grand Cañao iti Adivay 2024 wenno ti panakarambak ti maika-124th a founding anniversary iti nasao a probinsya ita ng aldaw.
Nangrugi ti parada iti oras iti pasado alas otso ti agsapa nu sadino pinasetan daytoy dagiti amin nga opisyales ken dagiti mangibagbagi kadagiti nagduduma a munsipyo ti Benguet, kameng iti pulisya, dagiti pagadalan, ken daduma pay.
Bayat ti parada,naigiddan metlaeng ti Grand Cañao nga impabuya dagiti nagduduma a partisipante.
Maysa pay kadagiti kangrunaan a tinagiragsak dagiti umili ket ti naipatungpal a “deppap” wenno ti panakatiliw dagiti baboy para ti panakaparti dagitoy kalpasanna dayta ket maiwaras daytoy kas “watwat”.
Tinagiragsak metlaeng dagiti tattao dagiti produkto manipud Benguet iti Adivay Trade Fare, kasta metten dagiti naimuntar nga Agri-Tourism Booths.
Maipalagip nga immunan a naangay dagiti daduma pay nga highlights kas iti Mr. and Miss Benguet 2024, ken ti libre a konsierto dagiti sumagmamano a celebrities kas kada Jericho Rosales, Kyle Echarri, Eric Santos, Ice Seguera ken dagiti komediante a kas kenni Waky Kiray, Ogie Diaz, Loi ken dadduma pay.
Ti Adivay Festival ket tinawen a rarambakan iti Probinsya iti Benguet nu sadino, maitatandudo ti nabaknang a kultura iti nasao a probinsya.
