Nangisayangkat ti grupo a Filipinos Do Not Yield Movement iti lightning rally sadiay Pasay City idi July 24, 2026.
Kangrunaan a kiddaw ti grupo ti “public apology” ti China gapu iti nagsasaruno a tensyon iti West Philippine Sea.
Iggem dagiti nakipaset iti rally ti tarpaulin a nasuratan iti panagkiddaw tapno masalakniban ti WPS, agtakder para iti karbengan ti Pilipinas, ken panagraem iti 2016 Arbitral Award.
Iggem metlaeng dagiti rallyista ti tarpaulin a mangipakpakita iti carricature ni Chinese President Xi JinPing a nakaisuratan dagiti mensahe a mangibagbaga a saan nga isuko ti Pilipinas ti WPS gaputa lehitimo daytoy a teritorio ti pagilian.
Nagprotesta ti nasao a grupo iti paset ti Vicente Sotto Street sadiay Pasay City, asideg iti Philippine International Convention Center a pakaisaysayangkatan ti ministerial meeting dagiti ASEAN foreign ministers.
