Saan a maki-ap-apa ti Pilipinas iti China ken anyaman a pagilian.
Daytoy ti nagbalin a sungbat ti Armed Forces of the Philippines kasaruno iti insawang ni Vice President Sara Duterte idiay Hong Kong a rumbeng a liklikan dagiti opisyal ti gobyerno a makisinsinnungbat iti dadduma a pagilian pakairamanan iti China nangnangruna iti tengnga ti tensyon idiay West Philippine Sea.
Sigun kenni AFP Spokersperson for the West Philippine Sea Retired Rear Admiral Roy Vincent Trinidad, taktakderan laeng ti Pilipinas ti karbengan daytoy pakairamanan ti maritime entitlements, sovereignty ken sovereign rights.
Impeksa daytoy a kayatda laeng a siguradoen a tawiden ti sumarsaruno a henenrasyon ti kukua ti pagilian a Pilipinas.
Kagidan dayta, impettengna metlaeng nga awan ti ag-agawen ti Pilipinas a sanikua isu’t gapunna a saan nga umno nga ibaga a ti Pilipinas ti agsarsarak iti gulo.
