Imbutaktak ti La Trinidad Municipal Police Station nga adda ti grupo dagiti mannibrong nga agraraira iti munisipyo ti La Trinidad, Benguet.
Sigun kenni Pltcol Zacarias Caloy Dausen, Station commander ti LTMPS, dakkel ti insidente ti roberry ken theft ti nasao a munisipyo.
Maibasar iti datos dagitoy, nakailistada ti 24 a theft bayat a ti roberry ket dumanon ti lima iti bulan ti Enero agingga May 2026.
Iti dua nga umuna a lawas ti bulan ti Hunyo, adan ti nailista dagitoy a tallo, dua kadagitoy ket solved bayat a maysa ti maim-imbestigaran.
Impeksa ni Dausen a kadawyan a modus digiti mannibrong ket ti salisi kadagiti business establishments ken boarding houses.
Innayunna a kadawyan dagiti boarding houses ket malipatanda nga ilock ti ruangan wenno tawa a gundawayan dagiti mannibrong.
Sigun iti opisial, kadawyan a mabikbiktima kadagiti business establishments ket dagiti customers a mangibatbati kadagiti bagsda iti tables nu agbayad dagitoy.
Maysa metlaeng a contributory ti panagngato ti roberry ken theft ket ti modus a shoplifting
Inlawlawag ni Dausen a nadiskubreda a dagiti matiltiliwda metlaeng a suspek ti shoplifting ket isu metlaeng ti maulit a matiliwda ken adda ti grupo dagitoy.
Mainaig ti dayta, maysa a wagas dagitoy ket ti pannaki-engageda kadagiti nagduduma a business establishments.
Malaksid iti dayta, insuhestion dagitoy a dagiti bussines establishlents ket agicompile ti ladawan dagiti suspek a matiltiliw a maipakita kadagiti security guard gaputa adda metlaeng ti uniformed ken non uniformed kadakuada.
Kabayatanna, impeksa met daytoy ti dakkel a rulong ti CCTVs para iti pannakarisut ti inya man a krimen ken pannakabigbig dagiti suspek.//Bombo Noveh Organo
