Impablaak ti P-pop Kings iti social media-da a mairuar inton May 3 ti baro a single dagitoy a napuloan ti “Moonlight”.
Sigun iti nasao a grupo, ti “Moonlight” ket kolaborasion wenno pangtinnulong da Electronic-pop artists Ian Asher ken Terry Zhong.
Imbinglay pay ti SB19 kadagiti fans-da ti ababa a pabuya nga addaan ti liriko ti “Moonlight”.
Daytoy ti umuna a panangiruar ti SB19 manipod idi limmatak ti kanta dagitoY a “Gento” idi 2023.
Malaksid iti dayta, daytoy pay ti umuna a panagsubli ti grupo kasaruno ti panag-ikkatda iti sigud nga agency dagitoy a ShowBT Entertainment.
Idi Oktubre, inyuswat ti SB19 ti bukodda a kompanya a 1Z Entertainment nu sadinno agserserbi kas CEO ti dadaulo ti grupo a ni Pablo.
Ita a lawas, paturong dagiti lima a miembro idiay Dubai para iti PAGTATAG! World Tour dagitoy inton Abril 24 ken manamnama nga ag-perform idiay Japan inton Abril 29.
Malaksid iti dayta, naituding inton May 18 ken 19 ti a back-to-back concert dagitoy iti Smart Araneta Coliseum.
Maiapalagip nga idi 2018, nag-debut ti SB19 ken inruarda ti umuna nga album dagitoy a “Get in the Zone” idi 2020, ken inruarda ti “PAGSIBOL” idi 2021.
Karaman kadagiti nalatak a kantada ket ti napauloan ti “MAPA,” “I Want You,” “What,” ken “Bazinga.”
