BAGUIO CITY – Pimmusayen ti gunman iti napasamak a panagpalpaltog iti uneg ti Philippine Military Academy (PMA) idi kalman.
Immunan a nabigbig daytoy a ni Air Force Airman Second Class (A2C) Christopher Lim .
Sigun kenni PMA spokesperson Maj. Cherryl Tindog, pimmusay ni Air Force Airman Second Class Lim iti oras ti alas 2:24 idi malem kalman.
Maipalagip a dinadael ni Lim ti maysa a locker a nakailemmengan ti M16 rifle iti maikadua a kadsaaran ti B-1022 EP Barracks sadiay PMA ken ditoyna nga inala ti armas nga inaramatna a nangpalpaltog kada SSgt. Joefrey Turqueza ken SSgt. Vivencio Raton a nagresulta iti dagos nga ipupusay ni SSgt. Turqueza.
Nataamaan metlaeng ni SSgt. Raton ngem nabaelanna ti naki-innagaw ti paltog a nagresulta ti pannakatama ni Lim.
Immunan a kinunana ni City Director Pol/Col Allen Rae Co a saan a
panagkinnaawatan ti makitkitada a rason ti nabara nga argumento iti nagbaetan dagiti tallo a soldado a karaman iti nasao nga insidente.
Ngem sigun met iti statement ti akademya, nga isyu ti mental health problem ti napasamak nga insidente no sadino inaklon ti akademya a maysa daytoy a kangrunaan a karit a mapaspasaran dagiti soldado iti uneg ti PMA
