BAGUIO CITY- Nakoronaan ni Gwendoline Soriano, pannakabagi ti Bakakeng Central, kas Miss Baguio 2024 bayat a nabigbig met ni Carla Tilap, pannakabagi ti Irisan kas Miss Tourism 2024.
Gapu iti daytoy, makaawat ni Miss Baguio 2024 Gwendoline Soriano iti pakabuklan a P540,500 a premyo manipud kadagiti nagduduma nga sponsor ken iti lokal a gobierno bayat a makaawat met ni Miss Tourism 2024 Carla Tilap iti pakabuklan a premyo a P138,000.
Malaksid iti dayta, manamnama pay nga irepresentar ni Miss Baguio 2024 ti siudad inton sumaruno a tawen para iti Miss Universe Philippines.
Kabayatanna, dagiti met nakagun-od iti 1st runner ket ni Nikesha Isaguire, manipud Camp 7; 2nd runner up a ni Rica Caronongan ,manipud Apugan Loakan; Miss Baguio Kalikasan 2024 a ni Antonette Tilap, manipud Irisan; Miss Baguio Malikhain 2024 a ni Jasmine Urmaza, manipud BGH Compound bayat a nagun-od ni Maria Castillo manipud Brookside ti Miss Kultura 2024.
