--Ads--
Inaklon ni sigud a Presidential Spokesperson Harry Roque a narigat ti kasasaadna ita idiay Netherlands kalpasan ti maysa a tawen a panagtalinaedna iti nasao a pagilian kas asylum seeker.
Sigun kenni Roque, awanen ti pamastrekanna ken adayo ti pamilia ken gagayyemna.
Mangnamnama laeng ni Roque iti bassit nga urnongna, nga in-inut met laeng a maib-ibus ngem ti nasakit unay kenkuana ket ti pannakaisinana iti pamiliana.
Ur-urayen paylaeng ni Roque ti aplikasyon para iti political asylum idiay The Hague gapu iti mapapati a political persecution iti pagilian.
Sumangsango ni Roque iti kaso a mapapati a human trafficking iti pagilian gapu iti POGO.
