Impila ti Bureau of Internal Revenue (BIR) iti Department of Justice (DOJ ti criminal case kontra kenni sigud a presidential spokesman Harry Roque, ti asawana a ni Mylah Reyes Roque ken ni Percival Sazon Ortega, gapu iti tax violations nga adda ti pakainaiganna iti Biancham Holdings and Trading, Inc a kukua ni Roque ken ti pamilyana.
Daytoy ket kalpasan a naduktalan iti imbestigasion ti BIR a napaay dagiti respondents a mangipila iti required tax returns.
Malaksid iti dayta, napaay metlaeng dagitoy nga agbayad iti corresponding taxes due iti transfer of shares of stock ken dadduma pay.
Nadiskobre metlaeng nga adda ti probable tapno makasoan dagiti agassawa a Roque ken ni Ortega, gapu iti saanda a panagbayad iti buis a naibasar iti Section 254 ti Tax code.
Iti sidong ti Section 254 ti Tax Code, mamulta iti P500,000 agingga P10 million ken pannakaibalud iti innem agingga 10 a tawen ti kaso a tax evasion.
