Imbilin ti Bureau of Internal Revenue (BIR) ti pannakaisayangkat ti tax audits kada Vice President Sara Duterte ken ti asawana a ni Manases “Mans” Carpio.
Sigun iti BIR, imbilinda ti pannakaipaulog ti letters of authority (LOA) para iti pannakaisayangkat ti tax audits kenni Vice President, ti asawana a ni Carpio, ken ti siam a negosyo a mainaig kadagitoy.
Babaen iti LOAs, mapalubusan dagiti BIR revenue officers a mangsukimat iti taxpayer’s books of accounts ken dadduma pay nga accounting records.
Karaman kadagiti negosyo a maipasidong iti tax audits ket ti Carpio Lawyers (Formerly Carpio & Duterte Lawyers; Zelta Matiem Salon; City Hall King Chow Foods Corporation; Davao Bounty Times Foods Corporation; Madayaw Fisheries Inc.; Davao Emerging Taipans Corporation; Amianan Shores, Inc.; Cale88 Foods Corporation; ken Geometry Security and Investigation Agency, Inc.
Sigun iti BIR, panggep ti tax audits ti panangkolekta kadagiti umno a buis a maipaay iti gobierno.
