--Ads--
Pinagduduaan ni House prosecutor ken Manila 3rd District Rep. Joel Chua ti naduktalan a helipad iti mansion ni Vice President Sara Duterte sadiay Davao City.
Sigun kenni Chua, rumbeng a maimbestigaran daytoy kas paset ti panagimbestigar iti maatap a saan a mailawlawag a kinabaknang ti bise presidente.
Innayon ni Chua a ti kaadda ti helipad ket mabalin a mangipasimudaag a ti pamilya Duterte ket addaan iti helicopter.
Iti nasao a mansion ket addaan iti dua a dadakkel a swimming pool ken helipad.
Naideklara daytoy nga agricultural land iti Statement of Assets, Liabilities and Net Worth (SALN) ni Duterte.
