--Ads--
BAGUIO CITY – Napilaan iti kaso a panaglabsing iti RA 9165 wenno ti Comprehensive Dangerous Drugs Act of 2002 ti maysa nga high value individual kalpasan a nakemmeg sadiay Dagupan West, Tabuk city, Kalinga idi kalman.
Nabigbig daytoy a ni Lourdes Boclongan Alvindo, 36 -anyos, naasawaan ken residente iti nasao a lugar.
Iti impatungpal a buy bust operation dagiti nagtipon a pwersa ti nagduduma a yunit ti pulisya ken operatiba, nakumpiskar manipud iti suspek ti maysa a pakete ti mapapati a shabu.
Nakumpiskar pay manipud kenni Alvindo ti naaramat a buybust money bayat nga agdagsen ti naala a shabu iti 0.2 a gramo.
Naiturongen ti nakemmeg nga indibidual iti kostudiya ti pulisya ken maisagsaganan ti kaso a maipila kontra kenkuana.
