BAGUIO CITY – Nakemmeg ti maysa a high value target (HVT) ken ti live-in partner daytoy kalpasan a nagpositibo ti search warrant nga inserbi dagiti otoridad kontra kenkuana sadiay South Central, Aurora Hill, Baguio City idi kalman.
Nabigbig ti target ti operasyon a ni Roger Lacanlale Claveria alyas ‘Pujang’ bayat a nabigbig ti live-in partner daytoy a ni Mercedes Ocawi Borillo.
Nakumpiskar manipud iti pagtaenganda ti 17 a pakete ti mapapati a shabu ken drug paraphernalia.
Nagresulta daytoy tapnu kemmegen dagiti otoridad dagiti dua.
Impaulog ni Presiding Judge Mia Joy Oallares-Cawed ti Regional Trial Court – Branch 61, Baguio City ti nasao a search warrant.
Sumangsango ita ti ag-live-in partner iti kaso a panaglabsing iti RA 9165 wenno ti Comprehensive Dangerous Drugs Act of 2002.
