--Ads--

Pimmusayen ti Hollywood actor a ni Michael Madsen iti tawenna a 67.

Sigun iti publicist a ni Liz Rodriguez, mapapati nga inatake ti puso ti aktor nu sadinno, nasarakan ti bangkayna iti pagtaenganna idiay Malibu.

Awan ti naduktalan dagiti kameng ti Los Angeles Police department a foul play idi nagresponde dagitoy iti nasao a lugar.

Nalatak ni Madsen iti panagbalinna a kontrabida iti pelikula a “Kill Bill” ken “Species” idi 1995.

Karaman metlaeng daytoy kadagiti pelikula a “Donnie Brasco” idi 1997 ken iti James Bond movie a “Die Another Day” idi 2002.

Idi dekada 80 ket limmatak pay nga usto ni Madsen iti nagduduma a TV shows idiay America agingga a sinerrekna ti panangaramid ti pelikula.

Idi napalabas a tawen, natiliw dayty gapy iti mapapati a domestic battery misdemeanor kalpasan a nagapada iti asawana a ni DeAnna Madsen.

Kalpasan ti maysa a bulan, nangipila ti reklamo a divorce kontra iti asawana.

Idi tawen 2019 ket natiliw metlaeng isuna gapu iti panagmanehona a nakainum ti nasanger nga arak ken idi 2012 ket natiliw metlaeng gapu iti panangdangranna iti maysa nga agtutubo a lalaki.

Nangipaay met ti panakipagladingit manipod kadagiti kakaduana iti pelikula kalpasan a naamuanda ti saan a nasayaat a damag.