Kiniddaw ni sigud a House Speaker Martin Romualdez ti pammalubos ti Sandiganbayan Third Division tapno ituloyna ti “hospital confinement” bayat a sangsangwenna ti plunder case.
Daytoy ket kalpasan a naiserbi ti warrant of arrest nga impaulog ti Sandiganbayan gapu iti P7.4 Billion a flood control kickback scheme.
Iti sidong ti insingasing ni Romualdez, kiniddawna ti pammalubos a maileppas ti booking ken custodial documentation-na; maituloy ti medical custody ni Dr. Rosalio Torres ken dadduma pay a responsable nga opisial ti ospital nga intuding ti Korte; Round-the-clock security guards; restriksion ti bisita ken visitor log; saan a mayakar iti ospital no awan ti pammalubos ti korte ken ti panagparangna iti korte ket maitunos iti medical advice ken bilin ti korte.
Kiniddaw daytoy ni Romualdez gapu iti medical history-na, agraman ti angioplasty surgery a naisayangkat idi Oktubre 2024 gapu iti coronary artery disease ken dadduma pay a sakit daytoy.
