Innaklon ti hostile witness a ni Office of the Vice President (OVP) disbursing officer (SDO) Gina Acosta a saanna a malagip ti alokasyon para iti confidential fund idiay Davao City idi nagtugaw ni VP Sara Duterte kas mayor ti Davao City manipud 2019 agingga 2022.
Imbutaktak daytoy ni Acosta kalpasan a nagdamag ti counsel for prosecution a ni Atty. Amando Ligutan seknan iti alokasyon para iti confidential funds idiay Davao.
Maipalagip a nagserbi kas SDO para iti confidential funds ni VP Sara idi daytoy ti nagtugaw kas mayor ti Davao.
Impetteng ni Acosta a saannan a malagip dagiti maipanggep iti confidential funds gapu ta mano metten a tawen ti napalabas.
Impresenta metlaeng ni Ligutan ti maysa a graphic a mangipakpakita a nakaawat ti Davao City iti agarup P460 milyon a confidential funds tunggal tawen manipud 2019 agingga 2022.
Nupay kasta, impetteng metlaeng ni Acosta a saanna a malagip daytoy.
Ti direct examination iti nasao a witness ket passet pay laeng ti panagdengngeg iti misused confidential funds ti Office of the Vice President ken DepEd iti sidung ti panangidaulo ni VP Sara Duterte, banag nga pagliblibakan ti kampo ti bise presidente.
