Naangay ita nga aldaw ti Human Rights Orientation iti Baguio City Jail-Male dormitory kas paset ti pannakarambak ti National Correctional Consciousness Week 2024
Addaan daytoy ti tema a “Makataong Pakikitungo, Matinong Pamumuno at Matatag na Prinsipyo Tungo sa Maunlad na Serbisyong Pampiitan.”
Sigun kenni Atty. Romel Daguimol, Regional Director ti Commission on Human Rights Cordillera, kasapulan a maipakammo kadagiti Persons Deprived of Liberty ken kasta met a maipalagip kadagiti Jail Personnels nga adda ti karbengan dagitoy iti laksid a nakabalodda.
Daytoy ket tapno maipasigurado a mairesrespeto dagiti karbengan dagitoy kas iti panakaipaay ti umno ken umdas a serbisyo ken ti nasayaat a panakatrato dagitoy kadagiti pagbaludan.
Iti nasao a programa, naipatungpal ti lecture, open forum ken poster making.
Kabayatanna, naituding a maisayangkat ti maikadua a paset ti Human Rights Orientation inton Miyerkules, Oktubre bente tres, idiay Baguio city jail female dorm.
