Umap-apela dagiti sumagmamano a pamilya dagiti biktima iti extrajudicial killings (EJK) iti House panel tapno makikoordinar ti gobierno iti panagimbestigar ti International Criminal Court (ICC) kadagiti mapapati a krimen bayat ti Duterte administration’s bloody drug war.
Gapu iti daytoy, kidkiddawen ti nanang ti maysa kadagiti biktima ti hustiya para iti anak daytoy.
Nupay kasta, impetteng ni Manila Representative Bienvenido Abante a saan dagitoy a makikikoordinar iti International Criminal Court (ICC) agsipud ta awan ti konoksyon dagitoy kadakuada.
Iti baet dayta, rinugian ti House panel ti imbestigasyon iti daytoy no sadino kinuna ni lawyer Chel Diokno a nasurok 20,000 nga indibidual ti pimusay bayat ti war on drugs kas maibasar iti 2017 year-end accomplishment report iti Duterte administration.
Kabayatanna, nangipaay ti committee iti show cause order kontra kenni Police Major General Romeo Caramat Jr., ti sigud a chief iti Criminal Investigation and Detection Group ken agdama nga acting area commander of Northern Luzon, gapu iti saanna a pannakipaset iti naangay a hearing.
Mainaig iti dayta, kinuna ni Kabataan party-list lawmaker Raoul Manuel a nasken nga maimbitar da sigud a President Rodrigo Duterte kenni senator ken sigud a dadaulo iti Philippine National Police Ronald dela Rosa iti umadanin a haering dagitoy.
