--Ads--
BAGUIO CITY – Sumangsangon iti nagtutuon a kaso ti maysa a high value individual a natilliw iti buy-bust operation nga insayangkat dagiti operatiba ti PNP ken PDEA sadiay Purok 1, Sunny Side Fairview Barangay, Baguio City idi kalman.
Nabigbig daytoy a ni Patricio Guslab Pisilen, 42-anyos, laborer, tubo ti Mountain Province ken residente iti nakaisayangkatan ti operasyon.
Nakumpiskar kenkuana ti maysa 15 a pakete ti maatap a shabu nga agdagsen amin ti mapattapatta a 28 grams ken aggatad ti nasurok P190,000.
Narekober metlaeng iti ikotna ti naaramat a buy-bust money.
Kabayatan pay ti operasyon ket nakita ken kinumpiskar dagiti operatiba manipud iti pagtaengan ni Pisilen ti uppat a paltog ken nagduduma a drug paraphernalia.
