FRANCE – ‘I quit to save my life’, dayta ti kinuna ni Female Italian boxer Angela Carini kalpasan nga insardengna ti labanna iti Olympics kontra iti maatap a kalabanna a ‘biologically male’.
Nagleppas iti 46 seconds ti laban ti 25-anyos a female boxer kontra kenni Algerian boxer Imane Khelif ken impukkawna ti ‘this is unjust’ sakbay a nagparintumeng ken nagsangit iti uneg ti ring.
Nadanog ni Carini ti dua a daras manipud kenni Khelif sakbay a kinunana a ti napigsa a puwersa ti danog ket imposible pay nga agtultuloy.
Kalpasan a naisardeng ti match, nagkedked ni Carini a maki-shakehand kenni Khelif.
“I got into the ring to fight. But I didn’t feel like it anymore after the first minute. I started to feel a strong pain in my nose. I didn’t give up, but a punch hurt too much and so I said enough. I’m leaving with my head held high.”
Female Italian boxer Angela Carini
Kinunana a saan a nagwalk-out manipud iti laban kas protesta a maibusor iti kalabanna nu diket maysa a desisyon nga ikonsidera ti Olympics.
Naipasidong ni Carini iti medical assessment tapno ma-examine ti kinakaro dagiti dunor iti rupana pakairamanan ti agongna.
Iti agdama, ti nasao a laban ket kontrobersiyal iti pakasaritaan ti Olympics.
Kabayatanna, daduma kadagiti agwarwarwas a damag ket saan a transwoman ni Khelif.
Naiyanak ni Khelif a babai nu sadino makapaspasar ti Disorder with Sex Development (DSD), rason nga addaan daytoy ti XY chromosomes ken nangato ti testosterone-na.
Maipalagip a ni naparitan ni Khelif a makipaset iti major boxing contest sakbay ti Olympics.
Maipalagip pay a saan a nakipaset ni Khelif iti 2023 IBA Women’s World Boxing Championship idi napan a tawen kalpasan a napaay iti testosterone tests-na para iti gender qualification a panggep ti torneo.
