Immapela ti International Criminal Court (ICC) kadagiti kameng iti pulisya iti Pilipinas a tumestigoda kontra kenni sigud a president Rodrigo Duterte.
Iti statement nga impablaak iti international tribunal, kidkiddawenna ti direkta a panagtestigo dagiti kapulisan mainaig iti kaso a crime against humanity a sangsangwen ti sigud a presidente.
Kagiddan dayta, nangipaay metlaeng daytoy iti online form a mabalin a pangipaayan dagiti testigo kadagiti reklamo dagitoy.
Maipalagip a kabayatan ti kampanya kontra iti iligal a droga ti Duterte Administration ket nagserbi metlaeng nga hepe iti Philippine National Police(PNP) ni Senator Ronald “Bato” dela Rosa nu sadino, daytoy ti kangrunaan a nangiyimplimintar kadagiti tignay.
Nupay kasta, agingga iti agdama ket saan pay a nagparang iti publiko ti sigud a PNP chief kasaruno ti naipadamag a nangipaiyulogen ti ICC iti warrant of arrest kontra kenkuana.
