Imbutaktak ti maysa nga indibidual a karaman iti sangapulo ket walo a nagpabigbig a sigud a Marine nga imbitaran iti Senado idi Hunio 4 ti nangibaga nga adda dagiti International Criminal Court (ICC) investigators iti mapapati a naiturong iti pagilian ken ini-escort idi Disyembre 2023.
Sigun kenkuana, dagiti nasao a bisita ket mapapati a mainaig iti panagbisita kenni Zaldy Co.
Innayon pay iti testigo a mapapati a nakitaripnong ti nasao nga ICC investigators kenni sigud a Senador Antonio Trillanes IV iti maysa a hotel.
Kabayatanna, pinaglibakan ni sigud a senador Antonio Trillanes IV dagiti alegasion nga immawat daytoy iti kuarta manipod kenni sigud a Congressman Zaldy Co tapno ipaay iti International Criminal Court.
Dinakamatna a sigud a pinaglibakan iti ICC nga immawat dagitoy iti kuarta manipod kenkuana wenno siasinoman nga indibidual nga adda pakainaiganna kadagiti kaso a pakairamanan iti Pilipinas.
Nagballag ni Trillanes a mangisayangkat daytoy iti ligal nga addang kontra kadagiti agtultuloy a mangisaysayangkat iti akusasion.
