Pinagyamanan ti International Criminal Court idiay The Hague dagiti otoridad ti Pilipinas kalpasan nga innalada ti kustodia ni sigud a President Rodrigo Duterte kalpasan ti pannakakemmegna idiay Manila mainaig iti mapapati a pammapatayna kadagiti rinibribu nga indibidual bayat ti war on drugs ti administrasionna.
Maibasar iti situation post iti website, kinuna ti ICC a maituding ti panagdinggeg iti umno a tiempo para iti umuna a panagparang ni Duterte iti tribunal.
“During this hearing, the Chamber will confirm the identity of the suspect and the language in which Mr Duterte is able to follow the proceedings.”
“The Chamber will also satisfy itself that Mr Duterte has been informed of the crime which he is alleged to have committed, and of his rights under the Rome Statute, which is the Court’s founding treaty.”
Mabasa pay iti post a pinagyamanan ni ICC Registrar Osvaldo Zavala dagiti otoridad ti Pilipinas para iti “commitment” a mangitandudo kadagiti international accountability mechanisms, ken dagiti otoridad ti Host State, Netherlands, para iti panagtitinnulong ken suportada.
Maipalagip a nakasangpet ni Duterte idiay The Hague idi Miyerkules ti malem idiay Dutch city.
Naiturong daytoy idiay The Hague Penitentiary Institution wenno iti Scheveningen Prison nu sadinno maibalud bayat nga ur-urayenna ti “trial” daytoy babaen ti ICC para iti maatap a “crimes against humanity.”
