Impakaamo ti pannakangiwat ti International Criminal Court a saan a makaapektar iti nasao a korte dagiti maisaysayangkat idiay The Hague a protesta kas panagsuporta kenni sigud a President Rodrigo Duterte.
Sigun kenni ICC spokesperson Fadi El Abdallah, saanda nga ikonsidera a maysa a kita ti pannakasinga iti pokus dagitoy manipod iti masapul nga aramidenda.
Kinuna ni Abadallah a ti kangrunaan a pagrebbengan ti International Criminal Court kadagiti biktima ken “international community,” ket ti panangyaplikar iti linteg a nasayaat ken awan ti panangidumdumana.
Dinakamat pay ti nasao nga opisial nga ammu ti nasao a korte ti “disinformation” ken “satire posts” iti social media kontra kadagiti hues.
Ngem dagiti “post” ket saan a makaapektar iti desision ti International Criminal Court, sigun kenni Abdallah.
