BAGUIO CITY – Naka-awat ti tulong ti sumagmamano a boksingero sadiay Ifugao manipud kenni Senator Christopher ‘Bong’ Go idi Biyernes, March 19.
Naamuan a pinili ti Games and Amusement Board dagiti nasao a benipisaryo.
Sigun iti senador, agtultuloy ti panagrikosda tapnu maipaayan iti tulong dagiti boksingero a napukawan ti panggedan iti agdama a pandemya.
Kinuna met ni Ifugao rising super-bantamweight prospect Carl Jammes Martin nga adu a boksingero ti agkasapulan iti tulong ita a panawen ti pandemya.
Dinakamatna a dakkel a banag ti naawatda a tulong tapnu adda ti maipaayda iti pamilyada.
Sigun kenkuana, uray daytoy ket nariknana ti rigat nga intunda ti agdama a pandemya.
Naipaayan dagiti benipisaryo iti taraon, food packs, face masks, face shields ken vitamins.
