BAGUIO CITY – Siento porsiento a nakasaganan ken nakakondisyon ti bagi ti Igorot mix martial artist a ni Jeremy Pacatiw para iti naituding a labanda kenni Brazilian flyweight prospect Thiago Dela Coleta iti Brave Combat Federation 8: The Rise of Champions inton August 12 sadiay Curitiba, Brazil.
Sigun iti Team Lakay fighter, nalaing iti striking ni Coleta isut gapuna a pinapintasna ti ground game ken striking skills daytoy, pakairamanan ti opensa ken depensa.
Mamati pay ti 21-anyos nga Igorot fighter a dakkel ti bentahena iti speed ken iti cardio no idilig iti 23-anyos a ni Dela Coleta.
Addaan ni Pacatiw iti professional MMA record a 5 wins ken 1 loss bayat nga addaan ni Dela Coleta iti rekord a 3 wins ken 2 losses.a
Naamuan a daytoy ti maikatlo a laban ni Pacatiw iti Brave Combat Federation iti bantamweight division.
