Idagdagadag ni Senator Erwin Tulfo iti Senate Blue Ribbon Committee ti pannakaisayangkat ti imbestigasion iti maatap a korapsion iti Bureau of Internal Revenue (BIR).
Partikular iti maatap a saan nga umno a pannakaaramat ti Letter of Authority (LOA) system ti BIR.
Sigun kenni Senator Tulfo, irekomendarna kenni Blue Ribbon chairman Senate President Pro Tempore Panfilo Lacson nga isarunoda nga imbestigaran ti isyu ti BIR.
Kasaruno daytoy iti adu a bilang dagiti reklamo a maaw-awatda manipud kadagiti taxpayers.
Innayon ni Senator Tulfo nga adu dagiti agtagikua iti negosio a mangkayat a mangipila iti reklamo, ngem saanda nga ipakaammo dagiti naganda gapu iti butengda a ma-backlist dagitoy.
Kabayatanna, idagdagadag ni Tulfo iti BIR a temporario nga isuspinderda ti pannakaipaulog dagiti LOA bayat nga agtultuloy ti imbestigasion.
