--Ads--
Idurduron ni House Deputy Speaker Jefferson Khonghun ti motu proprio investigation ti Kamara iti minilmilyon a maatap a remittance iti Cale88, maysa a kompanya a nainaig iti asawa ni Vice President Sara Duterte a ni Atty. Manases Carpio.
Sigun kenni Khonghun, napateg a maibestigaran ti maipagarup a singgalut ti China ken dagiti kompania a nainaig iti Bise Presidente gapu iti posible a peggad nga itunda daytoy iti siguridad ti pagilian.
Panggep daytoy a marugian ti imbestigasyon bayat nga adda iti recess ti Kongreso agingga iti Nobiembre 8.
Posible nga idauluan dagiti komite ti National Defense ken ti Good Government and Public Accountability ti imbestigasion.
