Agtultuloy ti imbestigasyon nga ipatpatungpal ti Bureau of Fire Protection-Mankayan iti napasamak nga uram sadiay Marivic Buaki, Mankayan, Benguet idi rabii.
Iti inisyal nga imbestigasyon dagitoy dumanon iti pito nga straktura ti nauram no sadino innem ti residential ken maysa met ti non-residential wenno ti nasao a simbaan.
Naideklara met a fire out daytoy iti 2:00 itay parbangon.
Balligi a nasebseban daytoy babaen iti panagtitinulong dagiti otoridad pakairamanan ti Bureau of Fire Protection-Mankayan, Municipal Disaster Risk Reduction and Management Office officials, barangay officials ken ti Bureau of Fire Protection-Bugias auxiliary- police mobile 2.
Iti pannakiuman ti Bombo Radyo iti witness wenno kaaruba dagiti biktima, kinunada a mapatpatta a nangrugi ti nasao nga uram gapu iti kuryente.
Sigun kadakuada, pinumtok ti circuit breaker ti maysa a pagtaengan rason a ditoy ti nagrugian ti nasao nga uram.
Impetteng metlaeng ti maysa a nakauman ti Bombo News Team a bayat nga ur-urayen dagitoy ti panagsangpet dagiti otoridad ket nagtitinulong dagitoy a nagsebseb iti uram babaen iti panagsakdoda iti danum kadagiti drums ken nagsakdoda metlaeng iti danum kadagiti asideg a kanals sadiay.
Iti baet dayta awan ti pimmusay iti nasapamak nga uram.
Iti agdama, temporaryo a nakidagus dagiti residente a naapektaran kadagiti kaaruba dagitoy.//Bombo Noveh Organo
