BUGUIAS, BENGUET – Manarimaan ti imbestigasyon dagiti otoridad iti pannakauram ti abandonado a balay idiay Km.75, Pilando, Buguias, Benguet, asideg iti sinking road itay laeng nabiit.
Iti pannakiuman ti Bombo Radyo iti Bureau of Fire Protection-Buguias, napasamak ti uram, 7:50 pm idi Enero 2 ngem naireport laeng kadakuada, passado alas nuebe ti rabii.
Dagus met a nirespondean ti nasao nga opisina ti nasao nga insidente.
Naideklara met ti fire out, 10:06 ti rabii.
Maibasar iti imbestigasyon, P30-K ti danyos ti napasamak nga uram bayat nga awan met ti nadangran.
Naipakaammo metten ti nasao nga insidente iti nakanagan iti nasao a balay nga iti agdama ket agnanaed sadiay La Trinidad, Benguet.
Iti agdama ket dukduktalen dagiti otoridad ti rason ti uram agsipud ta awan met ti kuryente iti nasao a balay.
