BAGUIO CITY – Manarimaanen ti imbestigasyon ti nabukel nga Special Investigation Task Group a mangsukimat iti panakapapatay ti sigud a Pilar, Abra mayoral Candidate a ni Dra. Amor Trina Dait idi Setyembre 18 iti mismo a pagtaengan daytoy.
Iti interview ti Bombo Radyo Baguio kenni Abra Police Provincal Office-Public Information Officer PCapt. Edwin Sergio, imbinglayna a manarimaan ti panagadalda kadagiti pasamak ken testimonya dagiti testigo iti nasao nga pammaltog.
Impettengna pay nga nainget nga tuttutukanda dagiti atapenda nga anngulo ken rason ti pammaltog kas iti susik iti trabaho, personal, pamilya ken posible a koneksion iti pulitika.
Nupay kasta, impasiguradona nga matutukan ti imbestigasyon para iti dagus a panakabigbigan ti suspek.
Inkalinteganna pay a maysa daytoy nga isolated case iti nasao nga lugar nupay adda ti immunan a napaltogan metlaeng nga babai itay laeng nabiit.//cgd
