--Ads--
Inawagan ni Palace Press Officer Claire Castro a basura ti imbutaktak dagiti 18 a sigud a Marines.
Sigun kenni Castro, saan nga agtakder ti korte iti testimonya dagiti 18 a sigud a bodyguards ni former Cong. Zaldy Co seknan iti maatap a panangitulod dagitoy iti minal-maleta a kuarta kadagiti sumagmamano a politiko ken personalidad.
Innayonna pay a dagiti statements a pabaliw-baliw ket saan a pumasa iti nainget a panagsukimat ti korte.
Impagetgetna a makitkita ita no anya a klase ti estorya dagiti sigud a Marines, tapno laeng makadadael.
Maipalagip a sakbay daytoy, imbabawi dagiti 18 a sigud a Marines ti alegasionda nga impatulodda ti minal-maleta a kuarta kenni Sen. Loren Legarda.//mp4
