--Ads--
Impanamnama ni Atty. Levito Baligod nga ibutaktak amin dagiti 18 a sigud a Marines ti ammoda, seknan iti maatap a panangitulodda iti minil-milyon a kuarta kadagiti sumagmamano a politiko ken indibidual.
Innayunna nga iparang dagiti Marines ti ebidensiya iti imbestigasyon ti Ombudsman.
Pakairamanan dagiti ladawan, videos ken dadduma pay.
Impanamnama ni Baligod a dumar-ay dagiti sigud a Marines iti imbestigasion ti Ombudsman a naituding intun June 11, 15, ken 16.
Kabayatanna, impagetget ni Baligod nga inisyal laeng ti affidavit nga immuna nga insubmitir dagiti sigud a Marines idi Pebrero 2026.
Sigun kenkuana, agisubmitirda manen iti rejoinder affidavit iti sumaruno a preliminary investigation intun June 22, 2026.
