Nagkaykaysa nga inaprobaran ti House Committee on Justice ti report ti komite mainaig iti articles of impeachment kontra kenni Vice President Sara Duterte.
Gapu iti dayta, manamnama a maisayangkat ti House plenary vote.
Sigun iti House justice committee chairperson ken Batangas 2nd District Representative Gerville Luistro, sinurotda ti Konstitusyon. Saanda a nagdardaras ken saanda a nag-shortcut.
Innayona pay a niraemda ti proseso no sadino, tunggal addang, tunggal sao, tunggal ebidensia ket sinangoda iti naan-anay a panagannad ken responsabilidad.
Inyunay-unay ni Luistro a no nakabasol ti bise president, ti kinapudno ti mangkonbiktar kenkuana ngem no inosente, ti proseso ti mangdalus kenkuana.
If the Vice President is guilty, let the truth convict her. If she is innocent, let the process clear her. But let it be done through the light of justice, not the shadows of silence,” – Luistro
