--Ads--
Impakaammo ti Department of Economy, Planning and Development (DEPDev) a posible a pumartak iti nasurok 7% ti implasion iti pagilian.
Mapasamak daytoy iti kanito nga ad-adda a kumaro ken agbayag ti panagsusupiat sadiay Middle East.
Sigun kenni Socioeconomic Planning Secretary Arsenio Balisacan, posible a ngumato ti gasolina iti $140 tunggal barrel ken agtalinaed iti nasurok $80 iti tunggal barrel agingga iti Setiembre.
Innayon ni Balisacan a posible a ngumato ti presio ti diesel iti agingga iti 62% ita a bulan ti Marso.
Kabayatanna,namnamaen ti socioeconomic planning agency ti implasion a 3.6% inton 2026 ken 3.2% inton 2027.
