Dumanon iti agarup 1,500 a barko ti na-trapped wenno naipit iti Gulf gapu iti Iranian blockade iti strait of Hormuz.
Sigun iti secretary general ti International Maritime Organization (IMO) a ni Arsenio Dominquez, dumanon iti agarup 20,000 a tripulante metlaeng ti na-trapped.
Sigun pay iti opisial, inosente dagiti naipit a tripolante nga inaldaw nga agar-aramid iti trabahoda tapno maipaay ti pagimbagan ti dadduma a pagilian.
Nupay kasta, naipit dagitoy iti geopolitical situations a saanda a makontrol.
Maipalagip a ti tension ti Israel-US kontra iti Iran ket nagrugi iti Pebrero 28, nangtunda daytoy iti panagibales ti Tehran babaen iti panagatakeda kadagiti sumagmamano a pagilian sadiay Middle east.
Nangitunda metlaeng daytoy iti pannakaserra ti Strait of Hormuz a napateg a ruta para iti global trade.
