Sinuspinder ti Saudi Arabia ti operasyon iti East-West oil pipeline a kangrunaan a ruta tapno maitulod ti lana iti Red Sea a saan a kasapulan a dumalyasat iti Strait of Hormuz.
Sigun iti Saudi Ministry of Energy, inaramidda ti nasao nga addang kas “precautionary suspension” gapu iti nagsasaruno a panagraut wenno panangpunterya iti nasao pipeline.
Iti kaudian a panangraut idi Huebes, sumagmamano nga indibidual ti nadangran.
Saan paylaeng a nabigbig ti Riyadh no sino ti adda iti likudan ti panagraut.
Napasamak daytoy kagiddan ti napartak a panaggabante ti rebelde a Houthi sadiay Yemen.
Karaman ditoy ti panagkontrolda kadagiti sumagmamano a lugar ken isla iti Red Sea ken ti aglawlaw ti straktura a Bab el-Mandeb Strait, maysa a ruta a napateg iti oil ken global trade.
