--Ads--
BAGUIO CITY- Ipalpalagip ni Baguio City Market Superintendent Fernando Ragma Jr., nga agtultuloy ti panakaipatungpal ti anti-pedling ordinance sadiay merkado publiko iti siudad.
Kinunana a nainget a maipawpawil ti iligal pedlers iti merkado publiko rason ti panangsitarda kadagitoy babaen iti pwersa ti kapulisan ken dagiti kameng ti Public Orders and Safety Division.
Nupay kasta, inlawlawagna a saanda a mabalin a tiliwen dagiti pedlers isut gapuna a makumpiskar laeng dagiti lako dagitoy.
Impeksana a saan a maibilang nga iligal pedlers dagiti aglaklako ti eco bag sadiay merkado publiko gaputa addaan dagitoy ti permit ngem nalimitaran laeng ti bilang dagiti mabalin nga ilako dagitoy.
