Pinaglibakan ti Department of Health ti palso nga impormasyon seknan iti mapapati a pannakailockdown ti Pilipinas gapu iti monkeypox.
Gapu iti dayta, nagballaag dagitoy iti publiko nga agbalin a naridam kontra kadagiti facebook pages nga agiwarwaras iti palso nga impormasyon seknan iti nasao a sakit.
Iti facebook post ti nasao nga opisina, kinunanada nga awan ti lockdown uray sadinoman a paset ti Pilipinas ken fake news daytoy.
Sigun iti Department of Health, nangato ti nailista dagitoy a kaso ti monkeypox ngem nababbaba daytoy no idilig idi napalabas a tawen.
Impaganetgetda metlaeng nga awan ti kaso ti Mpox Clade 1b, ti maysa kadagiti makaalis no diket ti laeng nailista dagitoy ket ti Clade II wenno mild, less transmissible variant daytoy.
Kagiddan dayta, impaulog metten dagiti local governments sadiay Davao del Sur province, Compostela,Davao de Oro, ken sadiay Maasin City, Leyte ti panagaramat iti face masks kasaruno dagiti kaso ti monketpox a nailista sadiay.
