--Ads--
Pinaglibakan ni incumbent Vice Governor Eric “Tagel” Felipe ti sayangguseng a daytoy ti nangibilin kenni Adam Yap a mangipila ti kandidaturana iti kina-kongresista iti probinsia ti Benguet.
Aklonen ti bise gobernador a naamuanna ti nasao a damag ngem kinunana a saanna nga am-ammo wenno kapin-ano ni Adam Yap.
Pinadasna pay a damagen kadagiti kakaduana ken gagayemna nu siasinno ni Adam Yap ngem kinunana a saanda metlaeng daytoy nga am-ammo.
Maipalagip nga idi Martes, Oktobre uno ket nangipila ni Adam Yap iti kandidaturana para iti kina-kongresista ti Benguet.
Iti interview ti Bombo Radyo kenni Adam Yap nu adda ti indibidual wenno organisasion a nangiduron kenkuana a mangipila iti kandidaturana, kinuna ni Adam Yap a bukodna daytoy a desision.
