Balligi a naipatungpal ti Indigenous People’s Month ken ti IPRA commemoration ti Virac Indigenous Peoples Organization (VIPO) ita nga aldaw sadiay Virac, Itogon, Benguet.
Daytoy ket kas paset metlaeng ti panakaobserbar ti Indigenous People’s Month ita a bulan nga addaan iti tema a Weaving Culture, Enriching Future: Empowering Indigenous Cimmunities as Bedrock of Sustainable Development.
Iti panakiuman ti Bombo Radyo kenni Joeden Acay- Indigenous Peoples Mandatory Representative (IPMR) ti barangay a Virac, Itogon, Benguet kinunana nga iti nasao a barangay ti kaaduan nga indigenous groups ket bukbuklen ti ibaloi ken kankana-ey.
Innayonna pay nga awan ti parikut kadagiti dua a grupo ti indigenous people gapu ta mayat ti panagtitinulong ken panagkakadwa dagitoy.
Kinuna pay ni Acay a ti nasao nga aktibidad ket agserserbi kas wagas tapnu maisuru dagiti ubbing kadagiti nagduduma a tradition dagiti Cordilleran kas iti panagtayaw ken panaggangsa.
Mainaig iti dayta, impeksana a saan laeng a ti panagtayaw ken panaggangsa ti maisuro kadagiti ubbing ken agtutubo nu diket uray metlaeng dagiti pagsayaatan para ti tradition ken kultura agsipud ta dagiti ubbing ket dagitoy ti sumukat iti sumarsaruno a panawen.
Kabayatanna, ti mensahe nga impaay ni Nestor Martillano Jr., brgy. kapitan sadiay bayat ti aktibidad ket kinuna a daytoy nga aktibidad ket kanayon a mangisuro kadagiti ubbing tapno saanda a malipatan ti kultura.
Impeksa met dagiti dadduma pay a dimmar-ay a nu awan ti panagmaymaysa saan metlaeng a balligi ti nasao nga aktibidad ken maysa a wagas daytoy tapno makita nga adda pay ti Indigenous people’s iti nagduduma a paset ti rehion Cordillera.
Kinunada a pay a saan a liplipatan ti nagapuan nu man pay hightech era iti agdama.
Iti agdama mapatpatta nga adda ti agarup 10,000 nga ti entero a rehion Cordillera.//Bombo Noveh Organo
