--Ads--
Nasuspindir ti innem a dadakkel a casino junket iti pagilian a Pilipinas, sigun kenni Philippine National Police Spokeperson Police Brigadier General Jean Fajardo.
Daytoy ket gapu iti impormasyon a maatap nga adda kainaiganda iti napasamak kenni business tycoon Anson Que.
Iti immuna a report ti Philippine National Police, ti naipaay a ransom money para kenni Que a P200 million ket dimmalan iti junket operator sakbay daytoy a naikarga kadagiti cryptocurrency accounts iti ballasiw-taaw.
Nupay kasta, saan a napanagan no anya dagiti innem a casino a nasuspindir ken no anya ti lokasyon dagitoy.
Balligi met a natrack ti Philippine National Police – Anti Cybercrime Group ti $1.6 million a ransom money nga iti agdama ket naka-freeze.
