--Ads--
Kinumpirmar ni Philippine National Police Chief General Jose Melencio Nartatez, Jr. a naarestar ti innem nga indibidual iti SONA rally idiay Commonwealth Avenue, Quezon City ita nga aldaw.
Sigun iti PNP chief, menor de edad dagiti naarestar a nakakawes iti “balaclava.”
Inlawlawag met ti Quezon City Police District director BGen. Randy Glenn Silvio a naarestar dagitoy gapu iti bandalismo.
Nagballaag met ti PNP kadagiti grupo ken indibidual a mangpangpanggep iti kinaranggas wenno dadduma pay nga iligal nga aktibidad.
Kagidan dayta, nagpallagip metlaeng ti otoridad kadagiti raliyista a pagtalinaedenda ti kapia ken agtulnogda kadagiti kondisyon kadagiti permits a naipaay kadakuada. //bombokaren.c.sapirao
