Pimmusay ti innem nga indibidual iti maysa a hotel idiay Bangkok, Thailand kalpasan ti panakapoison dagitoy babaen ti cyanide nu sadino karaman ti nasao a suspek.
Sigun kadagiti otoridad, nakita ti makapapatay a chemical kadagiti autopsies dagiti biktima kasta met kadagiti tasa ken teapot nga inaramat dagitoy.
Maibasar iti imbestigasyon, uppat kadagiti pimmusay ket Vietnamese nationals bayat a ti dua ket US nationals.
Manarimaan met ti imbestigasyon nu kasano a naala ti cyanide bayat a nakikoordinaren ti US Federal Bureau of Investigation para iti nasao nga imbestigasyon.
Kabayatanna, kinuna dagiti kabagyan dagitoy nga adda ti saan a pagkikinaawatan dagitoy maipapan iti investment.
Posible met a dakkel ti agbalin nga epekto daytoy iti ekonomiya iti Thailand nangruna ket napasamak daytoy iti maysa a kalatakan a tourist destination iti nasao a lugar.
