Inlawlawag ni Defence Secretary Gilberto Teodoro Jr. ita nga aldaw saan a “misunderstanding” ti insidente idi Hunio 17 sadiay Ayungin Shoal iti nagbaetan dagiti kameng ti Pilipinas ken China Coast Guard.
Sigun kenkuana, saan a tagibassiten ti gobierno ti Pilipinas ti insidente nu diket maibilang daytoy kas agresibo ken iligal a panagusar ti puersa dagiti kameng ti China.
Nupay kasta, impasiguradona a mangsapulda ti nasaysayaat a solusion mainaig iti nasao a banag.
Kabayatanna, kinumpirmar ti Armed Forces of the Philippines (AFP) a maysa kadagiti kameng ti Philippine Navy ket nakaro ti pannakadangranna iti panagbinnangga ti barko ti China ken Pilipinas bayat ti rotation and resupply mission idiay Ayungin Shoal.
Iti baet ti pannakaputol ti maysa a ramay kadagiti kameng ti nasao nga ahensia, kinuna gamin ni Executive Secretary Lucas Bersamin itay nabiit a saan a panag-atake ti insidente nu diket maysa laeng a “misunderstanding” wenno aksidente.
